ONOWAY, Canada – Habitantenan di e ciudad Canades, Onoway, a spanta dialuna asina hopi, ora cu nan a habri e cranchi y a haya awa roos. No un tiki roos, sino casi fluorescente. Un investigacion a sali na cla kico tabata e problema. Aparentemente un hende di e compania di awa a habri e cranchi robes. E tubonan y e awa di desperdicio di e ciudad aki ta wordo hacilimpi cu kaliumpermanganaat. Esey normalmente no mag di drenta den contacto cu awa potabel. E ta un oxidator fuerte y ta malo pa e cuero, wowo y via respiratorio. Bo por hasta bira ciego si bo hay’e den un wowo. Afortunadamente parce cu ningun hende na Onoway kier a baña cu e awa roos aki.
E cranchi cu mester percura pa e roos aki bay un solo caminda, direccion limpiesa di awa sushi, mester keda habri, caminda cu e awa roos un biah mas drenta e sistema. E municipio no a haya necesario pa avisa e habitantenan, kendenan a haya sa inmediatamente manera cu nan a habri nan cranchi. Mientras tanto, e alcalde a brinda su despensa pa esaki.
Fuente: FAQT