QUEBEC, Canada – Hopi Canades mester a bandona nan cas e fin di siman aki, debi na un inundacion serio. Vooral den e provincia Quebec, e necesidad tabata halto: eynan, segun medionan Canades, mas cu 130 municipio a wordo inunda, despues di un awasero torencial.
“E ta parce un area di guera,” un habitante di un di e municipionan a bisa diasabra, na e canal di television CTV.
E muhe mester a desconecta coriente di su cas na Quebec, cu parcialmente a bay bao di awa. Tambe el a purba di salba su pertenencianan. “Tur hende akinan ta den panico,” el a bisa.
Gobierno Canades a desplega mas di 400 militar na Quebec, caminda sigur 850 persona mester a wordo evacua. Tambe e hendenan a ricibi un yamada den varios area pa keda for di cercania di riu, pasobra no tin ora cu e awasero lo stop di cay. Riba dje, e awa por lastra sushi bin cun’e.
Fuente: NU.nl