LESBOS – Den un campo di refugiado riba e isla Griego di Lesbos, a tuma luga un candela. Esaki ta segun e oficina di prensa AFP. Miles di habitante di e campo mester a huy. E candela a tuma luga durante un pelea masal, caminda cu mas di 10 persona a keda herida. Debi na e biento fuerte e candela a crece.
E peleanan a start den e campo, ora cu e buscadonan di asilo Afgano a purba di saca cuminda for di e campo. Cu welganan di hamber nan kier presiona pa haci nan travesia pa Grecia continental. Otro habitantenan di e campamento, entre nan famianan Sirio, kier tuma ayudo alimenticio, y a haya confrontacion cu e Afganonan. Mas di ties tent a cende na candela of a ricibi daño di un of otro manera, caminda cu algun di e habitantenan mester a sali for di e campamento.
Den e campamento na Moria, ta biba mas di 4000 persona. Debi na e insiguridad di nan futuro, diferencianan etnico, y problema cu nan lo wordo manda bek pa Turkia, a ocasiona hopi tension.
Fuente: NRC