E tradicion di mayoria federacion di deporte na Aruba ta pa celebra e fecha 18 di Maart cu un dia deportivo pa nan atletanan. Un di e federacionnan aki ta Aruba Taekwondo Bond cu e aña aki lo organisa e torneo Himno y Bandera diasabra awor 11di Maart. Despues di un exitoso torneo den luna di Januari celebrando Dia di Betico, Aruba Taekwondo Bond lo organisa un otro grandioso torneo pa su clubnan miembro.
Pa 10or di mainta lo cuminsa cu un ceremonia di apertura di tur e ekiponan di taekwondo participando na e torneo aki. Mester bisa cu lo reparti diferente premio e dia aki manera Kyorugi den cada categoria esaki pa e prome tres lugarnan mescos tambe ta conta Poomse mientras lo duna un trofeo tambe pa Poomse. Pa esnan cu triunfa den e diferente peleanan lo tin premio pa e mihor atleta infantil, femenino y masculino, mihor atleta den cadet femenino y masculino, den junior femenino y masculino, den senior femenino y masculino, lo tin Trofeo pa e Best Team. Lotto, e loteria di Aruba ta masha contento cu federacionnan di deporte cada aña ta organisa eventonan deportivo conmemorando nos dia nacional Himno y Bandera 18 di Maart.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di torneo Himno y Bandera di Aruba Taekwondo Bond.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte ribanos isla. Meta di e fundacion ta pa organisa loteria, cambia bida di su hungadonan y na mesmomentoinverti den deporte local pa medio di donacionnan na e Comision di Subsidio.