Aruba Volleyball Association a inicia Campeonato Nacional 2025 cu un bunita apertura. Un total di 9 Organisacion di Volleybal cu varios teamnan di diferente categoria a desfila dilanti un publico basta grandi den Centro Deportivo Betico Croes.
E aña aki Campeonato Nacional 2025 a wordo dedica na un gran Baluarte di Volleybal sr. Wilbert “Wiwi”
Maduro kende a dedica mas di 50 aña na su deporte stima esta volleyball. Sr. Wiwi tabatin un carera
impresionante como atleta den seleccion Nacional y Copa Antiyano y tambe tabata Entrenador/Coach di
diferente equiponan naAruba. Den temporada di volleyball escolar Wiwi a a entrena hobennan di scol y
semper a yuda unda cu e por. Pa Wiwi su mes un desaroyo el a sigui un curso na Cuba pa 3 luna pa Entrenador di Alto Rendimento.Wiwi a risibi un bunita plakaat.
Den su discurso Presidente Sra.Curiel a pone enfasis ariba un aspecto importante cu ta e lazo di cooperacion cu AVA tin cu su “stake-holders”.E importancia di esaki ta pa atletanan realisa cu e entidadnan manera COA, SSA, ASU, FFD, Lotto pa Deporte ta traha na bienestar di Atletanan y Federacionnan.
.
Sra. Curiel a para keto tambe na tur e “Actornan” cu ta hasi e deporte posibel esta e entrenadornan cu ta dedica nan tempo pa yuda e atletanan desaroya. A pidi e atletanan realisa nan mes cu ora nan no tin smaak di yega entrenamento e trainer si tey y ta warda cu su programa na nan beneficio!
Tambe a menciona referees y scorers cu ańa nan largo ta yega veld pa guia e weganan y garantisa
continuacion di competencia. Sra.Curiel a enfatisa cu atletanan tin un rol grandi pa yuda nan mesun
clubnan. Tras di atletanan ta para tambe mayornan cu ta haci nan esfuerso pa nan yuinan tin e posibilidad
pa eherse deporte. Na final a duna e organisacionnan compliment esunnan cu ta competi cu atletanan entre
8 y13 ańa pasobra desaroyo ta cuminsa na edad jong. Segun sra. Curiel e accento y prioridad den Deporte na
Aruba ta e Colaboracion entre tur e “actornan” menciona.
Aruba Volleyball Association ta gradici directiva y tur esnan cu di un of otro manera a contribui na e bunita apertura y e inicio di e competencia 2025.
