Den e weekend venidero e federeacion di ciclismo, AWB lo tene nan campeonato nacional di ciclismo di ruta. Mester bisa cu esaki lo ta dos dia riba diasabra y diadomingo unda nos miho coredornan lo bataya contra di otro asina yama careda contra holoshi y e careda riba ruta mes. E diasabra lo inicia cu e careda contra holoshi esaki na Sasaki, mientras pa su mañan diadomingo e careda riba ruta lo ta paribe di brug esta na San Nicolaas unda e lo core den e area di Weg Sero Preto y vecindario, ambnos evento lo inicia pa 7or di mainta. Den e ultimo añanan e deporte di ciclismo sin duda a bira masha popular cu MTB, BMX y Ruta. Nos por a mira varios team di ciclismo wordo funda mientras e eventonan mes ta bon atendi. Mas cu claro nos tin algun bon ciclista di ruta manera Jair Kelly, Thomas Hogde, Benay Statie, Gabriel Thielman, Joshua Krozendijk y asina nos por keda menciona nan un pa un.
Ta urgi automobilistanan pa tene cuenta cu e dos dianan di actividad aki. Ban ta extra cuateloso riba caminda, ban mustra e bon cooperacion y apoya nos ciclistanan.
Un danki sigur na Lotto, e Loteria di Aruba pa medio di Comision di Subsidio cu a yuda subsidia campeonato nacional di ciclismo di ruta 2017.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.