Diasabra mainta e campeonato di futbol infantil di AVB a continua riba tereno di Caiquetio na Paradera ora cu e dos ekiponan esta Caiquetio y Brazil Jrs a topa otro den e categorianan U7 y U9. Den e prome partido di e mainta, e ekipo di Brazil Jrs a sa na sali victorioso ganando cu e score di 3 – 1, cu un hattrick dii e chikito Segion Sheturland cu a anota 3 gol pa su ekipo.
Despues a sigui cu e partido den U9 unda Brazil Jrs un bes mas ta sali victorioso ganado cu e score di 4-1. Mester bisa cu aki nos a wak un tremendo partidaso di futbol cu ambos ekipo toch basta pareu cu e ekipo di Brazil Jrs anotando 2 gol tempran pero despues Caiquetio ta corta bentaha unda Gian Giel di Caiquetio ta corta e bentaha na 2 – 1. Despues e ekipo di Brazil Jrs ta anota 2 gol mas pa seya e Victoria. E hobencito Neomar Landbrug Tabata e chikitin grandi riba tereno cu 3 gol anota mientras Dian-mar Thielman ta anota 1 gol. Un pabien na ambos ekipo y tambe na mayornan, coachnan, fanatico y tur cu nos a mira contribui grandemente na e mainta aki.