Campeonato di dam di Aruba a start siman pasa cu un record di 14 participante

Den e campeonato cu a cuminsa siman pasa, a haya dos hungado nobo: Elogio Croes y Hector Winterdal.

E torneo ta wordo hunga den un systema di round robin, unda tur hungador ta topa otro 1 biaha. Diaranson anochi e di dos rond a tuma luga.

Daniel Diaz a enfrenta Hector Winterdal. Den final Daniel a logra di gana Hector. Chester Berkel a enfrenta Octavio Croes. Octavio a gana. Dennis Kelly a hunga contra Mario Jansen. Mario a gana. Eugenio Filiciana a enfrenta Ricardo Wever. Ricardo a gana y Annelaine Jacobs a enfrentaElogio Croes. Annelaine a gana.

E encuentro entre Ricky Nisbet – Delbert Alexander y Obi Tromp – Rolin Croes lo wordo hungariba un otro dia. Ricky ni Obi no por hunga e simanaki.

Despues di 2 rond ta haya 3 persona na cabes cu 4 punto. Nan ta Ricardo Wever, Mario Jansen y Daniel Diaz.

Otro siman diaranson dia 30 di Juni e tercer rond lo wordo hunga. Lo enfrenta otro:

Elogio Croes – Ricky Nisbet, Ricardo Wever – Annelaine Jacobs,  Rolin Croes – Eugenio Filiciana, Mario Jansen – Obi Tromp, Octavio Croes – Dennis Kelly, Hector Winterdal – Chester Berkel y Delbert Alexander – Daniel Diaz.

 

E weganan ta start pa 7:00 di anochi den e club na Nieuwstraat 11, Oranjestad.

Si bo haja bo mes stroba, corda yama wedstrijdleider Mario Jansen  na 699-8245 pa avisa cu bo no por. Laga sa por lo menos 24 ora adelanta cu bo no por hunga riba diaranson 7:00pm.

E oloshinan ta start pa 7:00pm di anochi. Si 30 minuut a pasa, y bo no a presenta sin avisa, bo lo perde e wega ey pa default. E minuutnan cu bo ta laat bo ta perde di e ora cu bo tin pa hunga e partido.

 

Hopi exito na tur e hungadonan y spera cu e miho di e 14 hungadonan aki bira e Campeon di Dam pa aña 2021.

Comments

comments