Den e weekend tras di lomba Aruba Basketball Bond a inicia cu su campeonato di basketball den e diferente categorianan. E ceremonia di apertura a tuma luga den Centro Deportivo Betico Croes na Sta Cruz. E aña aki lo tin competencia den e diferente categorianan di Paserela (u15), Cadet(u17), Junioren(u19) y Grandi. Mester bisa cu varios ekipo a haci acto di presencia na e apertura aki cu a conta cu representantenan di ministerio di deporte. Ta masha importante pa duna e sosten necesario na nos federacionnan deportivo cu tin hopi atleta ta guia tur dia. Muchanan ta wordo motiva pa practica deporte y esaki sigur ta algo tremendo pa no solamente e mucha mes y su deporte cu e ta practica sino pa e comunidad completo. Mas mucha den movecion sano, miho ciudadano so e por bira despues.
Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di basketball organisa pa e federacion di basketball Arubano, A.B.B.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.