Awe diabierna un otro temporada dushi di baseball Little League lo incia pa nos hoben peloteronan. E interes pa practica e deporte di baseball ta creciendo na Aruba. Nos muchanan ta encanta e deporte di baseball na Aruba y mirando varios campnan bishita durante di e temporada di November y December ta hopi a wordo siña for di nos peloteronan profesional y firma biba den exterior. Tur dia nos por mira e terenonan di baseball yena cu mucha y hobennan cu ta entrena nan deporte preferi. Mirando e exito di e ultimo añanan specialmente den Little League unda Aruba su hoben peloteronan a briya internacionalmente ta haci cu e interes ta grandisimo. Little League baseballna Aruba a conoce algun aña super exitoso unda nos a representa Latino America den Little, Junior y Senior League manera Williamssport, Taylor y Bangor, mientras na 2010 Aruba a logra un titulo mundial den Senior. Nos tur kier mira Aruba bek riba e plataforma di Little League Baseball. Awe lo tin e ceremonia den Joe Laveist Ballpark y ta spera tur hende presente pa asina apoya nos futuro generacion den e deporte di baseball.
Un danki na Lotto, e loteria di Aruba cu ta subsidia e campeonato di Aruba Little League.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.