Algun aña atras e federacion di baseball ABBA a bin cu e lema “Ban hunga baseball den un bon ambiente y harmonia”. Un lema unda e palabranan ta bisa tur cos, paso unda tin un bon ambiente y sigur union ta progreso so uno lo por spera di tur cu ta practica e deporte aki. Kisas ta bon pa implementa un bes mas tipo di lemanan asina aki pa tur otro deporte,e ta un muestra di respet,motivacion y stimulacion pa e atleta, mayor, dirigente y fanaticonan. Despues di un proceso di reorgansacion unda e eligi un directiva nobo, e federacion di baseball Arubano, ABBA ta cla pa start sali cu nan campeonato di baseball AA.
E deporte di baseball local tin un historia grandi unda semper Aruba produci peloteronnan di taya mientras algun di nan a hunga den e liga profesional di baseball mas grandi na mundo cu ta Mayor League Baseball na Merca. Actualmente e exito di Xander Bogaerts tin su efecto riba nos hubentud principalmente riba e peloteronan hoben cu ta mira e profesional Arubano como un heroe y rolemodel. Mayoria di nan tambe ta soña un dia di tin un carera profesional den e deporte mescos Bogaerts.
Lotto, e loteria di Aruba cu pa medio di Comision di Subsidio ta masha contento di por brinda e ayudo financiero na deporte di baseball y nan campeonatonan organisa pa e federacion di baseball ABBA.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
- Latest
