Aruba Softball Bond trahando duro henter aña brindando nos talentonan hoben e oportunidad pa por competi creando asina un disciplina respect y un mihor Aruba. Despues di trabounan preparativo campeonato lo inicia diabierna awor 17 di Augustus den tur 3 Liga esta Liga Kibrahacha (AA) , Liga Kwihi (A-Klas) y Liga Flamboyant Femenino (AA). Dia 8 di Augustus ultimo despues di un reunion extraordinario na Technical Center di AVB na Stadion Frans Figaroa desicionnan final a wordo tuma al respecto campeonato 2018 cual lo inicia diabierna awor. Campeonato lo inicia cu un bunita desfile y ta wordo dedica na dos baluarte esta Wilbert Wiwi Maduro y tambe Hyacintho “Chin” Thiel. Ta recorda tur ekiponan pa bini cu nan madrina como cu ASB lo scoge un madrina di aña pa representa ASB durante 2018. Un equipo di masculino di Republica Dominicana lo bay ta presente pa hunga e prome wega di apertura contra nos selecion masculino. E di dos wega lo tira lot unda dos equipo local lo hunga e prome wega oficial di campeonato 2018. Henter pueblo di Aruba ta keda cordialmente invita pa e gran apertura di campeonato HEINEKEN di Aruba Softball Bond.
- Latest
