Aruba Softball Bond trahando incansabel pa stimula y desaroya e deporte di softball. ASB tin un selecion femenino den ful preparacion pa campeonato di CONSURSA cual lo tuma lugar 26 di October pa 3 di November. Alaves Selecion Masculino a sali competi den luna di Juni na Monteria Colombia. Awor a toka turno pa inicia cu campeonato den tur tres Liga esta masculino A-Klas y AA y alaves femenino AA. Diabierna dia 17 di Augustus lo bay tin un bunita desfile unda e promer wega lo bay ta entre selecion masculino di Aruba vs un equipo di Republica Dominicana y mesora despues di e wega aki e promer wega oficial lo tuma lugar. Fanaticada keda pendiente pa e invitacion oficial cual lo sali dentro di poko.