Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters. Den categoria masculino A-Klas e equipo di Logros ta mantene su invicto derotando Black Yoker 10-7. Logros 10 careda, 11 hit, 2 error. Black Yoker 7 careda, 7 hit, 2 error. Pitcher ganador Juan Chirino kende a ricibi relevo di Edgar Nicolaas. Oslin Bergrok ta drenta releva Bryan Webb ta bay cas cu e derota. Mihor bateadonan pa Logros ta Eldrick Maduro di 3-3, Miliades German 2-2, Jose Acosta Rosado 3-2 incluyendo un homerun. Pa Black Yoker a destaca na plato Emon Webb 1-1, Groshua 3-2. Bryan Courtar a conecta un cuadrangular. Den otro partido e equipo di Celebrities ta gana Predators cu score hopi halto di 36-24. Un wega cu a parse di no tin fin y ta bay den historia cu e record di caredanan mas halto. Celebrities 36 careda, 33 hit, 4 error. Predators 24 careda, 12 hit, 8 error. Juan Carlos Kock ta gana e partido mientras Juan Soza ta resulta pitcher perdedor. Mihor bateadonan pa Celebrities Albert Croes 6-6 incuyendo un homerun, Samuel Webb 5-5 cu dos homerun, Edson de Boef 3-3, Jose Baez 6-5 cu 3 homerun, Joward Croes 5-4, Wendsley Kock 5-4 cu un homerun, Emanuel Silie 3-2 y Greg Manuela 4-1 cu 1 homerun. Pues un feria di bataso. Pa Predators un equipo hoben y miembro nobo di Aruba Softball Bond a destaca na plato den causa perdi Antonio Ras di 4-4, Darrel Willems 3-3, Josiel Jacobs 4-3, Frits Leest 4-2. Juan Soza ta conecta un homerun. Weganan di A-klas ta canando biento en popa y lo continua despues di Champ of the Champs cual torneo lo inicia desde 26 Juni tur dia te 2 di Juli. Softball den pleno desaroyo.