Un total di 280 atleta a forma parti di e magno evento di taekwondo cual a haci esaki un di e evento nan mas exitoso den e era di taekwondo na Aruba. Teo Rodirguez di Tiger Taekwondo ta masha contento cu e obhetivo aki cual ta un soño pe y su organisacion. Pa Aruba un total di 80 atleta di 11 scol a competi. Manera premira esaki a bira un grandisimo mientras e combatenan tabata ta di nivel superhalto. Sigur esaki tabata un experiencia unico pa nos atletanan di Aruba kendenan a forma parti di un evento internacional di taya.
Mester bisa cu varios pais cu confirma a yega Aruba cu nan atletanan manera Colombia, Surinam, Venezuela, Republica Dominicana, Merca, Panama, Argentina, Sur Korea, Boneiro, Corsou, Boneiro, Costa Rico y Puerto Rico. Mescos tambe ta conta pa e refereenan internacional cu a asisti esnan di Aruba den tur e peleanan. Na banda di e competencia di taekwondo tabata tin tambe e competencia di Poomsae y Para-Taekwondo pa atletanan paralimpico cu pa prome biaha por a admira na Aruba.
Como e miho ekiponan local a sali Brazil Taekwondo Stichting y Stichting Tiger Taekwondo Academy, mientras cu cinco atleta di Aruba a logra conkista e trofeo como e miho taekwondista di nan categoria, esakinan Best Fighter Male Infantil National Zayon Thielman ( Stichting Tiger Taekwondo Academy ), Best Fighter Female Infantil National Sue-Jean Kelly ( Stichting Tiger Taekwondo Academy), Best Fighter Male Cadet National Justin Granham ( San Nicolas Taekwondo Center ), Best Fighter Female Cadet National Shanille Perez ( Noord Taekwondo Center), Best Fighter Male Junior National Shaquille Barry ( San Nicolas Taekwondo Center ), Best Fighter Female Junior National Chiara Petrocchi ( Stichting Tiger Taekwondo Center, Best Fighter Adult Male Angelo Rodriguez ( Stichting Tiger Taekwondo Academy )
Un danki sigur na Lotto, e Loteria di Aruba pa medio di Comision di Subsidio cu a yuda subsidia e 18 edicion di e Tiger Taekwondo Open International Championship.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.