Aña escolar ta cabando y e campaña Paga Tino tabata uno hopi positivo bou di nos hobennan na scol, segun sra Sra. Rulienne Arends. E ta amplia mas.
E ultimo dos lunanan, nan tabata tin charlanan y si no tabata tin charla, nan tabata bezig cu e campaña Paga Tino. FADA tabata tin un temporada hopi druk den e ultimo dos lunanan. Vakantie ta den porta, y esaki ta e temporada caminda FADA ta sinta como team y nan lo haci evaluacion tambe na tur charla. Dus nan mes ta bay update un tiki, pa ora scol habri bek nan lo tin charlanan nobo cu nan por ofrece na e scolnan.
Sra. Arends a sigui splica cu durante vakantie nan ta bay ta hopi activo. Nan tin diferente compania cu a acerca nan, pa duna charla durante vakantie, ya cu nan sa cu e ora nan tin tiki mas tempo pa duna charla na companianan. Pa FADA e ta bay ta un vakantie hopi activo y hopi druk pa nan.
Si tin cualkier otro grupo cu ta interesa den charlanan di FADA, nan lo hinca algo den otro pa nan. Contact FADA libremente. Nan ta traha normal den vakantie, nan tin luganan ainda habri, pa gruponan di scout, otro companianan, of familiarnan cu ta keda cu nan subrina, primo y si nan no sa kico pa haci, nan por bay na FADA y cu mucho gusto lo atende nan.
Tin hopi interes, aunke scolnan ta hopi mas facil ya cu e docente ta mira e importancia di e informacion y e charlanan. Aunke poco poco e comunidad mes ta acercando y ta busca informacion na FADA. No precisamente mester ta den grupo, e por ta un mucha so por ehempel. Poco poco ta ripara cu e interes ta lantando pa haya mas informacion y nan ta hopi contento cu esey, segun Sra. Rulienne Arends, di FADA.