Den e proceso electoral cu ta conclui diadomingo 1 di juli na Mexico, 17.662 candidato a registra. Di esakinan mester a reemplasa 5.703 candidato. Es decir, un tercera parti (32%), cu a renuncia na nan aspiracionnan pa varios motibo. Entre otro, insiguridad, menasa den nan contra y motibonan personal.
Esakinan ta datonan di e Instituto Nacional Electoral (INE) y di autoridadnan electoral local cu ta revela un fenomeno nunca antes registra na Colombia. Al menos no den cifra. Pero e agresionnan y asesinato di politiconan, durante e proceso cu a cuminsa na september aña pasa, tabata tin como consecuencia e renuncia na nan campaña di e candidatonan.
E caso mas revelante a tuma luga na Guerrero, den e municipio di Coyuca di Catalan, unda full un stembiljet di 11 candidato pa cargonan manera alcalde, delegado y demas puestonan di gobierno municipal.
Sin embargo, e partidonan mester a reemplasa e aspirantenan aki den al menos 13 di e 32 entidadnan federal di Mexico.
E estadonan cu un cantidad mas halto di renuncia tabata Oaxaca, cu 1.660 y estado México cu 1.225.
Riba e lista ta sigui Michoacan (736), Jalisco (674), Guerrero (477), unda tin indicenan halto di violencia y informenan di asesinato y atentado na candidatonan politico. Despues ta haya Querétaro (176), Chihuahua (84), Hidalgo (70), Yucatán (70), Tamaulipas (51), Veracruz (19), Baja California Sur (12) y Tlaxcala (5).
Ademas di esakinan, tin 444 candidato na puestonan federal, cu tambe a retira di nan campaña.
Autoridadnan electoral a afirma cu gran parti di e candidatonan cu a renuncia, a prefera di no duna motibo. Pero esunnan cu si a duna declaracion a argumenta violencia, menasa, motibonan personal, y mucho mas.
Na Guerrero, den e municipio Coyuca de Catalán, ubica den e zona violento di Tierra Caliente, e coalicion integra pa partidonan PAN, PRD y Movimiento Ciudadano mester a reemplasa nan stembiljet dos biaha.
Den e municipio aki tambe e candidato di PRI na alcaldia, Ramiro Gómez Pineda. Esaki ta despues di e asesinato di e alcalde Montúfar Mendoza, cu tabata candidato pa diputado local pa distrito 17. El a wordo tira mata dia 8 di mei ultimo, despues di varios menasa den su contra.