E salida di fundacion Anti Droga Aruba, FADA pa cu e campaña di amigo DIDI ta riba un bon caminda pa cual aki Sra. Rulienne Arends ta splica con e la bay te cu awor aki pa loke ta e campaña mes.
Danki na SMAC, Fundacion Anti Droga Aruba tabata tin e oportunidad pa tabata den e parada di mucha na Oranjestad, diadomingo ultimo. Nan tabata tin mas o menos 2500 sticker cu nan por a reparti durante e ruta y tur esakinan a caba. Ainda FADA tabata wordo acerca pa diferente persona cu tabata pidi sticker. Tambe tabata tin hende cu no tabata conoci cu e campaña y tabata probecha e oportunidad pa splicanan kico e campaña tabata encera. Pa esunnan mas chikito, FADA tabata tin potlood, liniaal dus cosnan cu e chikitinnan por uza y asina siña conoce mas di FADA.
E campaña toch ta bastante conoci den comunidad, aunke ainda toch no ta tur hende conoce. Ya nan a yega di tende di amigo DIDI. Pero e sticker di Don’t Drink and Drive toch ta yuda pa hende cay ariba e campaña amigo DIDI. Manera Sra. Arends a splica cu no ta facil pa ta den parada cu e muziek rond pa splica un hende den tur detaye di e campaña, pa tur esunnan cu toch ainda no sa di amigo DIDI.
Durante di e parada, FADA tabata parti awa y tabata papia cu e personanan para na banda, cu tabata tin muchanan cu nan, tabata duna nan conseho, pa nan cambia e alcohol pa e awa. Vooral na esunnan cu tin muchanan cu nan, tabata puntra nan pa nan amigo DIDI y asina toch purba conscientisa e publico Carnavalesco pa ta un tiki mas responsabel cu e alcohol.