MANILA, Filipina- E campaña antidroga controversial di e presidente Filipino, Rodrigo Duterte, a causa otro 26 victimanan mortal mas den e ultimo 24 oranan. Asina tambe e cantidad di morto ta subi na 58 den operacionnan policial desde dialuna.
E diferente operacionnan policial cu a resulta den morto di 26 persona a tuma luag na Manila entre diaranson anochi y diahuebs den oranan di marduga.
Hefe di Polis Nacional di Filipinas, general Ronaldo dela Rosa, a considera cu no tabata tin nada inusual den e morto di e delincuentenan cu a resisti nan aresto.
Dela Rosa a urgi polisnan pa sigui cu e trabao di mantene ordo y di proteha e poblacion sin worry cu politica.
Presidente di Filipinas a bira conoci ariba tereno internacional pa su falta di diplomacia y e insultonan cu cual e ta enforsa su comentarionan y el a menasa e defensornan di derechonan humano tambe cu ta stroba e traboa di polis.
“Si nan stroba husticia, tiranan tambe mata”, e mandatario a ordena, cual orden a wordo condena door di e organisacion Human Rights Watch.
Fuente: http://www.noticiasrcn.com/internacional-oriente