Durante Copa Mundial di FIFA 2018, Gerente General Joe Najjar a comparti algun palabra inspirador pa lansa e campaña “100 Dia di Hospitalidad” di La Cabana, caminda cu e enfoke principal tabata e satisfaccion di e cliente.
E hotel ta organisa un reunion festivo pa su asociadonan tur kwartaal, caminda cu e miembronan di gerencia conhuntamente cu e departamento di Recurso Humano ta comparti logronan, metanan y plannan di e propiedad pa e proximo lunanan.
E evento tematico durante Copa Mundial di FIFA 2018 a conta cu un participacion grandi, cu un asistencia cu a kibra record.
E campaña cu a wordo lansa pa e ocasion aki tambe a logra resultadonan considerabel, y tres luna despues e Gerente General Joe Najjar tabata contento di por a comparti cu cada un di e departamentonan a mehora nan performance score durante e 100 dianan di hospitalidad compara cu e aña anterior. E departamento cu nan score a mehora mas a wordo recompensa cu laba di auto pornada cortesia di e management team, un incentivo cu tabatin reacionnan positivo, specialmente ora a bira conoci cu e ganador ta e departamento di Housekeeping.
Riba potret por aprecia e culminacion di “100 Dia di Hospitalidad”, cu a inclui un treat saludabel estilo “Grab and Go” pa tur e asociadonan den e “Chit Chat Café”, e cafeteria di e hotel.