CALI, Colombia- Un campamento di al menos 400 Venezolano cu tabata kedando den cayanan di Cali, Colombia a wordo desaloha pa autoridadnan di e ciudad aki. E alcaldía di e ciudad, den compania di e Organisacion Internacional para Migraciones, ta sigui traha ariba e reubicacion y traslado di inmigrantenan, segun NTN24.
Sin embargo, ta spera cu’n gran cantidad di personanan lo sigui pa Nariño, zuid di Colombia, pa sigui rumbo pa Ecuador, Peru y Chile.
Di otro banda, personanan cu ta opta pa keda na Cali, lo mester cuminsa e tramite pa nan haya un permiso di trabao.
Subsecretario di Politica di Siguridad di Cali, Pablo Uribe a informa cu’n gran cantidad di Venezolano a wordo desaloha, den nan mayoría ta trata di personanan cu ta sigui rumbo pa otro paisnan. El a señala cu 150 persona a forma parti di un censo pa haya nan documentonan cu lo permiti nan pa sigui den e pais aki.