Minister di Obranan Publico, Sr. Benny Sevinger a splica cu e caminda nan cu ta keda den e area di hotel tambe lo haya nan debido atencion. Dus for di Tamarijn te na RIU, y esey lo wordo haci den e proyecto di Watty Vos Blvd. E parti di RIU te cu Holiday Inn, a haci un analisis y pa drecha e caminda aki, mester drecha e riolering.
Aña pasa a cumpra varios material pa drecha e riolering cu fondonan di TPF. Aworaki ta den di dos fase di implementacion, di pone e pipanan aki, drecha e riolering prome cu bay over pa drecha e caminda aki, DOW ta bezig cu esaki for di aña pasa y no falta mucho pa e parti di implementacion.
Den e proximo lunanan, probablemente lo mira trabao den e area di hotel, y esaki sigur lo trece e molester pa e sector hotelero, pero ta Minister ta kere cu den cooperacion, door di traha den oranan cu turistanan ta haci uzo di e careteranan aki. Pero esaki sigur sigur lo trece molester pa e sector aki. Ta pa e motibo aki ta tratando esaki cu cautela, y prevencion pa haci esaki den un forma cu ta bay mas lihe, pero efectivo pa por, uno, drecha e caminda y dos, cumpli cu e accesibilidad pa e hotelnan aki, cu ta un caminda so nan. E no ta un proyecto facil, segun minsiter Sevinger.
Pero e sistema di riolering ta e prome cu nan lo bay over pa drecha. Ora cu esaki ta cla, e ora e y por bay over na drecha e caminda aki. Asina minister di Obranan Publico, Sr. Benny Sevinger a declara.