Ya e caminda cu lo bay yuda pa trafico ta den su proceso pa keda cla pa cuminsa wordo uza lo mas pronto posibel, segun Micheal Vrolijk, coordinador di Green Corridor.
El a splica cu actualmente trabaonan ta bayendo basta lihe. E prome parti cu tin pariba di Isla di Oro, te na e brug cu ta bay pa e beach pa Santo Largo. E caminda a wordo asfalta siman pasa. Tambe e siman cu a pasa, a cuminsa di biaha pa loke ta e di dos parti cu ta di e brug pa bay lama di Santo Largo te na e crusada cu ta bay Savaneta, bay direccion pa Zeerovers. Esaki a cuminsa pone prome capa di basecourse cu tin cu wordo poni. Atardi ta laga e caminda habri pa trafico por pasa. Pero cuminsando for di awe tardi, e caminda ta wordo cera bek pa asina pone e di dos tapa di basecourse pa pone asfalt.
Vrolijk a sigui splica cu lo bay cera e cruzada dilanti Isla di Oro. Esaki lo wordo cera mita. Motibo di esaki ta cu lo bay laga acceso pa e parti di beach mirando cu e siman di campamento a cuminsa pa asina por haya acceso. Pero despues di e brug bay ariba, ta wordo cera completo.