Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Diamantbergweg cu dialuna dia 13 di mei 2019 lo bay cer’e parcialmente pa cuminsa cu trabounan preparativo pa despues nos asfalta e caminda.
Ta bay haci e trabounan den fase.
Fase 1 ta cuminsa dia 13 te 16 di mei 2019 y asfaltamento lo tuma lugar 18 di Mei 2019
Fase 2 ta cuminsa dia 20 te 23 di mei 2019 y asfaltamento lo tuma lugar 25 di Mei 2019.
E caminda cu lo asfalta ta Diamantbergweg #1 te cu Diamantbergweg #102.
Ta indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconvinencianan cu lo por surgi pa cual nos ta pidi nos disculpa.