Dialuna lo cera e caminda direccion di Rooi Afo pa Paradera. Direccion di Paradera pa Rooi Afo si lo keda habri pa automobilistanan (e caminda banda di e dam di rooi afo).
E motibo di e ciere akinan ta cu e caminda tin mas di 50 aña di existencia y e talud a cuminsa kibra, haciendo cu e caminda a haya “craquele” (cuero di crocodil).
Nos ta den deliberacion cua opcionnan lo ta mihor y mas efficiente, pero nos por garantisa si e proyecto lo wordo drecha e aña akinan.
Un peticion si nos tin na tur e manehadornan di heavy equipment pa porfabor no pasa riba e caminda akinan te proximo aviso.
Ruta di desviacion lo wordo indica cu borchi cu baricada di aviso y nos ta pidi automobilistanan pa cooperacion durante e ciera di caminda akinan.
