Diasabra 31 di maart 2018 tin caminata di Stimaruba, pa 7 or di mainta na final di Rooi Lamoenchi. Un ruta den nos medio ambiente traha pa miembronan activo di BBC Mountain Bike. Nick Erasmus y miembronan a mantene bereya di hende y bestianan cu a usa e luganan aki, hunto cu e grupo di amantenan di Mountainbike a yuda usa e rutanan mas bunita di delaster tempo. Riba skerpi ta sali for di final di Rooi Lamunchi, cu ta keda na Pos Chikito. Con ta yega? Na Welding Shop dI Pos Chikito ta drenta na man robes si ta bin for di Oranjestad. Antes tabatin un Club cu yama Rooi Lamunchi. Sigi e caminda, na birada tin luga habri pa para auto. Luga: Cana di Rooi Lamoenchi pa e tanki di awa cu ta riba Sero Preto. Dia: 31 maart ‘’ 18. Ora: 7 or di mainta ta cuminsa cana. Duracion 2 ora y mei. Ta trece awa y fruta of pan pa desayuna. Un bon sapato ta rekeri, ora ta cana den naturalesa ta bon pa bisti carson largo. Riba e sero hende-tin bista di e paisahe di Pos Chikito, Sabaneta te na Barcadera. Si e tempo ta cla por weita Sero di Santa Ana di 830 m den e peninsula di Paraguana. Warapa di Tamarijn y Lamoenchi y awa cayente pa kofie ta spera nos. Bus di Didi’s Tour ta hiba nos bek na e autonan. Laga nos contempla di e naturalesa virgen. E ruta ta exihi poco esfuerso pesey hiba un palo pa yuda balansa. Ta pidi fl.5.= pa bus y A4 y cu splicacion di mata y bestianan cu ta biba riba e ruta.