E caminata anual di e Santuario di Burico, un actividad hopi anticipa, ta na caminda January 19, 2019.
E caminata cu lo pasa door di Aruba su naturalesa, lo wordo acompaña door di burico Diva, Igor y Simba.
E ruta ta cuminsa na e Santuario na Bringamosa, pasa door di Boton, Jan Fleming, Franse Pas bek pa Bringamosa.
Lo tin awa y softdrink na varios stop y na final fruta fresco di Superfood.
Pa solamente fls.10.00 bo ta yuda aporta na e bon trabao cu ta wordo haci pa e buriconan y alabes tene bo mes den condicion.
Pa mas informacion tocante e caminata, trabao di boluntario of noticia en general di e Santuario , please yama nos na 593-2933 of pasa bishita nos personalmente.
Un invitacion special ta bay pa pueblo di Aruba, coredonan profesional y amantenan di naturalesa pa bin join nos den nos caminata.
Boso tur ta bonbini.