Hues a dicta cu sindicato SADA no mag di welga mas of manifesta pa loke ta e tema di traha warda di anochi na airport. Pero esaki tin su consecuencianan tambe. Sr. Eduard Maduro, di sindicato SADA ta splica.
Pero dos dia despues por wak ariba rednan social kehonan ta drenta cu no tin control, ya cu tur hende por drenta cu productonan pa bende y esey ta wordo haci abiertamente ariba Facebook. Actualmente tin un free for all na airport y esaki no ta fout di Douaneronan. Pero ta decisionnan tuma cu a manca airport completamente cu no tin control mas manera antes.
Antes durante oranan di anochi, vuelonan cu normalmente ta wordo someti na controlnan riguroso, awo tin dos ambtenaar trahando cu no por acapara un flow di te cu 800 hende. Esaki ta danki na decision di e minister di Finanza a tuma, siguiendo tras di Management Team. Manera por corda, minister a bay den prensa, pidiendo despensa, cu el a ‘verspreek’ su mes, cu el a bruha entre 600 mil y 20 mil florin.
Akit a caminda cu SADA a señala cu e decision tuma ta completamente fout ya cu e decision tuma ta basa ariba cifranan eroneo. Y si mester scapa 1 florin, ta haci esaki. Pero awo ta hayando criticanan di e mesun hendenan cu a apoya e minister e tempo ey, awe ta keha cu no tin control na airport, djis pa scapa e ‘florin’ ey. Pero esey ta tras di lomba. Y tur locual sosode despues di e dia aki, ta cay bou di e Management Team y e minister directamente. Te asina leu, Sr. Eduard Maduro, di sindicato di Douaneronan, SADA.