Nos fuentenan siman atras a informa nos cu e trabounan di e alto comisario intereno ya a cuminsa caba unda siman tras di lomba por a tuma nota di cambionan den loke ta den e funcionarinan halto den Cuerpo Policial. Hopi cos a bay robes den e maneho anterior unda tin hefenan tin basta departamento bou di nan y no ta duna atencion na esaki y tin varios desunion di parti oficial.
Un di e departamentonan di cuerpo policial cu semper a keda laga un banda ta Trafico, Motor Unit y departamento uniforma. Pero net esnan cu ta hopi riba caya conhunto cu e polisnan uniforma di caya, ta esunnan cu pa basta tempo a keda laga atras y poco poco ta bay mira un cambio cu e alto comisario interino ta bin cune pa e departamentonan di polis cu a keda laga un banda.
Poco hefe bou e maneho anterior tabata permiti basta cosnan iregular tuma luga unda cu ora un otro hefe kier haci denuncia riba cosnan cu ta pasa esaki ta keda bari for di mesa pa 1 pa 2 hefe halto djis pa no perhudica esun cu haci fout como halto, pero ora un abou haci malo ta keda persigui di biaha y hasta castiga.
Nos fuente a duna di conoce cu cambionan a cuminsa tuma luga di parti Sr. Hoo cu ta e alto comisario interino y esaki a pone cu algun hefe a bira manera angry bird ya cu Sr. Hoo poco poco ta bay corta poco hala di algun cu no ta haciendo e trabou manera mester ta, y hasta investigacion lo cuminsa unda un oficial halto lo a haci denuncia di un radio cu no mester ta den man di un persona y un oficial halto lo a tapa esaki te dia di awe cu ayudo di e ex alto comisario. Puntonan cu sindicato di Polis a trece dilanti na mas cu un ocasion tambe lo haya su debido atencion pa e cuerpo bira uno un top. E fuente a informa nos redaccion cu sigur Cuerpo Policial lo bay mira basta cambio dentro di un aña, lo bay mira mas blauw riba caya y mas departmanto activo cu a keda laga atras pa basta tempo.