E indice di “Cuminda & servicio di catering” a registra un caida di 0.3% na Juni 2023, despues di un subida di 0.1% na Mei 2023. E indice di “Cuminda na cas” (-0.4%) a registra un caida, unda shete (7) di e diesun (11) indicenan di e gruponan di cuminda na cas a baha na Juni 2023. E indice di “Fruta” a conoce e caida di mas
grandi (-2.2%) na Juni 2023. E indicenan di “Lechi, keshi y webo” (-1.4%), “Pisca y otro cuminda di lama” (-1.1%), “Azeta y otro productonan traha di vet” (-0.9%) y “Berdura” (-0.8%) tambe a registra caida.
E subida mas grandi a wordo registra den e indice di “Sucu, jam y otro tipo di cos dushi” (1.2%) na Juni 2023.
E indice di “Cuminda pafo di cas” a subi cu 0.1% na Juni 2023.
Na Juni 2023, “Cuminda na cas” y “Cuminda pafo di cas” como grupo, tawata tin un caida di prijs di 0.3% compara cu Mei 2023 y hunto tawata tin un influencia di -0.04 ppt riba e CPI, mientras cu e restante bienes y servicio hunto a experencia un caida di prijs di 0.4% y tawata tin un efecto di -0.33 ppt riba e CPI.