Seccion di Malesanan Contagioso na Departamento di Salud Publico ta informa cu entrante 19 di December 2016 lo bay tin cambio di localidad caminda ta paga leges pa “Health certificate”, esta e Declaracion di salud miho conoci como e carchi berde pa Foodhandlers y tambe pa pago di vacuna. Desde 19 di december e servicionan aki lo no por wordo paga mas cerca Seccion di Malesanan Contagioso na Avicenastraat 1, pero mester wordo paga na ‘Financiele Administratie’ Oduberstraat 2 cu ta keda den e edificio geel cu blauw schuin pabou di Seccion di Malesnan Contagioso. Orario di caha ta di 7:45 pa 11:45 y di 13:15 pa 15:30. Pa mas informacion tuma contacto cu Departamento di Salud Publico na 5224200.