E directiva di San Nicolas Business Association a hala e fecha di reunion, programa pa 8 Maart 2018, pa dia 15 Maart 2018 door di problemanan cu airco na Community Pool. Patrice Party Center a pone nan sala di conferencia disponibel pa asina e reunion tuma luga.
E punto di agenda di e reunion aki lo ta eleccion di un directiva nobo pa San Nicolas Business Association. E reunion lo ta na Patrice Party Center den Caya Principal di San Nicolas y lo ta di 7 or pa 9 or di anochi.
Den caso di cu’n persona a wordo apunta pa un compania pa vota, e persona lo mester tin un autorisacion por escrito di parti di e director y tambe un identificacion valido.
San Nicolas Business Association ta ofrece su disculpa y ta conta ariba presencia di un y tur pa e fecha nobo, cual lo ta diahuebs 15 Maart, 2018.