Sr. Ronald Van Trigt, presidente di ATIA ta di opinion cu, enberdad, Banco Central tin hopi regla pa habri negoshi na Aruba, pero mester traha un plan pa haya mas interes pa Aruba paso esaki ta un cos cu por yuda nos mesun economia.
Banco Central di Aruba tin su reglanan riguroso, al final tambe esey ta positivo pa un pais tin su reglanan bon estableci. Banconan ta institucionnan priva. Bo ta sinti e interes, locual ta cobra na interes ta bahando. Esey kiermen tambe, cu e banconan ta biniendo bou di presion di e risico cu nan ta tuma, nan ta haya menos recompensa pe. Sr. van Trikt ta sinti cu esey ta un di e motibonan cu banconan a bira mas estricto tambe cu e placa cu nan ta fia. Mester bin programanan si, cu nos mester por duna hendenan cu kier establece un negoshi na aruba cierto beneficionan, cu cierto negoshinan. Den pasado a papia di knowledge economy, unda ta atrae e miho celebronan pa bin traha, pero ora di bin bek, cu bo kier habri bo mesun negoshi, tin procesonan cu ta dura pa lunanann largo.
ATIA ta boga pa semper tin un centro, unda central cu comercio, esun cu kier habri negoshi pro bay y habri su negoshi den un tempo basta lihe. E frustracion ta, cu e hendenan cu ta bin di afo, pa habri un negoshi, e proceso cu nan ta enfrenta tin biaha ta desmotivanan pa habri e negoshi mes. Bo tin tambe, companianan cu kier bin cu cierto ideanan nobo y kier bin cu talento, hopi biaha talento Arubano mes, of hunto cu nan famia, hende cu ta casa, bon studia, bon idea kier bin Aruba cu nan famia, pero pa nan famia haya permiso pa nan traha y e yiunan bay scol na Aruba ta dura hopi. Esey ta stroba comercio enormemente. Tin p.e. Cierto reglanan, un hende cu a bin di afo, e tin firma liber, un hende asina no mag di habri un negoshi na Aruba. E mester un permiso special pa habri un negoshi.
Sr. van Trikt ta puntra, con ta promove cu nos por motiva nos hendenan, nos ciudadanonan pa habri nan mesun negoshi, mientras cu tin e tipo di bareranan aki, cu ta stroba pa negoshi wordo haci.