Post Aruba a wordo informa door di FXDC Post cu nan lo stop e servicio di Postwissel pa e islanan di Bonaire, Saba y Sint Eustatius. Postwissel ta e servicio di Post Aruba pa manda y ricibi placa.
E postwissels cu a wordo manda di/pa e tres islanan menciona te cu 26 di maart y cu ainda no a wordo procesa lo wordo paga ainda.
E servicio di Postwissel local, pa Curacao y Sint Maarten ta continua normalmente.
Cu e servicio aki clientenan por haci transaccion di maximo Awg.5.000,00 pa dia. Esaki por wordo procesa via email cual ta bai casi inmediato of via post hunto cu cartanan pa un tarifa mas economico.
Pa mas informacion tocante e servicio di Postwissel of otro servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.