Diamars atardi habitante di Hooiberg a tuma nota cu tin un huma ta saliendo for di un camber di un cas y a bati alarma na autoridad. Di biaha a despacha unidad di brandweer y polis pa e sitio. Bomberonan y polis a dura poco pa yega debi cu a haya un adres robes y despues di un rato a logra di yega na e adres corecto.
Bombernan a yega di biaha na e sitio y drenta accion y constata cu e camber tabata na candela, bombernan a combati e candela basta lihe.
E doño di cas a presenta despues y e señora a drenta den shock di haya parti di su cas na candela, polis a combersa cu e señora pa saca afo kico e por a laga pega na coriente cu por a causa e candela.