Dialuna mainta ora cu personal encarga cu Eagle Roofing a habri porta a constata cu antisocial a comete kiebro y horta den e edificio. Via camara di siguridad a capta con diasabra manece diadomingo pa 1:15am a haya bishita indesea. E persona riba e potret ta DOFF, cu a drenta e warehouse y bay cu varios caha di building materials y cosnan di coriente.
El a sconde tur esakinan den un mondi y pa 6;30 am a regresa cu un otro persona desconoci y tambe cu un pickup nissan frontier color shinishi. Asna nan a logra bay cu tur e cahanan y tambe un bentana completo. Polis tabata presente pa tuma datos di e kiebro y ladronicia aki y pasa esaki over pa recherche.