Pa directora di Camara di Comercio Sonja Veldhuizen, ta mira cu den 2017 tin un crecememto den companianan nobo cu a habri den e prome 3 lunanan di 2017.
A observa un crecemento significante. E ta un diferencia hopi grandi mes, si compara cu prome kwartaal di 2016. Desde Augustus 2016 a ripara un caida preocupante, pasobra e ta baha hopi e registracionnan di negoshinan nobo. Pero desde Januari 2017 a observa un crecemento. Si ta compara cu 2016, e prome kwartaal tabata tin 263 compania nobo y 2017 tabata tin 381 compania nobo registra na camara di comercio.
Si wak e sectornan, number 1 ta Advies bureau’s, 2. Ta construccion. 3. Ta snackstrucks. Tambe tin beauty salons, negoshi di paña y carrentals. E districto di Noord por a ripara cu 110 compania a wordo registra den prome kwartaal di 2017. Oranjestad ta 153 compania a wordo registra y San Nicolas 22.
Si compara esey cu ta trata di registracion total di cancelacion, a ripara un crecemento tambe. El a crece na 2017 cu 211 compania a wordo cancela den prome kwartaal. 2016 e tabata 175 compania a wordo cancela. Ta un diferencia di 36 compania.
Camara di Comercio ta bezig cu un investigacion y na fin di aña aki kier comparti e datonan pakico e hendenan ta cera nan compania.
Si ta monitor e prome kwartaal di 2016, riba number 1, no tin actividad di negoshi mas, number 2, e gastonan pa mantene negoshi ta hopi halto mes y number 3, ta falta di financiamento. Ta motibonan principal pakico e companianan ta wordo cancela.
Veldhuizen a keda sorprendi cu toch tienda di paña, beauty salons, tur a wordo lanta y tin hopi na Aruba caba.
E ehecutivo a splica cu nan sa haya peticion pa duna conseho riba esey. Ta purba di dunanan conseho, mirando cu ya tin hopi riba e isla caba. Pero tin hende cu ta nan pasion, sea cu ta beauty salon of tienda di paña.
Den bista di sra Veldhuizen, ta mustra cu San Nicolas poco poco lo bay cuminsa crece contal cu e porta di Citgo habri.
El a splica cu nan ta di opinion cu e actividadnan comercial na San Nicolas lo bay crece.
Ainda no tin un bista si cuanto comerciante lo ta interesa. Pasobra tin inversionistanan di exterior, ta bay Camara di Comercio cu ta informa si e refineria lo bay habri. Y ta puntra pa yuda pa actividad y nan kier lanta un branch y nan ta bezig cu esey pa haya un permiso di Economische Zaken. Camara di Comercio tin cu wak con e ta bay, el a finalisa.