Sra. Sonia Velthuizen, directora di Camara di Comercio, ta elabora ariba e proceso di votacion cual lo tuma luga dia 12 di December, 2017 pa un puesto den e hunta di directiva di Camara di Comercio..
Tin 2 vacatura pa Grootbedrijf y un pa Kleinbedrijf, y Camara di Comercio ta hopi druk cu e stembiljetnan y e carchinan di votacion. Diamars mainta trempan e comision di eleccion ta bin hunto y DOW a bin pa hiba stemhoknan pa diamars. En corto Camara di Comercio ta full den preparacion pa diamars.
Normalmente, tur aña miembro di Bestuur ta haci nan mes reeligibel y e biaha aki, a bisa e bestuur cu Camara di Comercio ta hopi popular pa bira miembro di directiva. Esaki ta algo cu Sra. Velthuizen ta sumamente contento pa cu esaki ya cu tin hopi hende cu kier miembro di directiva di Camara di Comercio.
ROL DI DIRECTIVA
E hunta di directiva lo representa e interes di comercio y industria di Aruba. Tambe nan ta responsabel pa e plan strategico di Camara di Comercio. Tambe e directiva ta conseha ariba permisonan di establecimento di negoshi na Aruba. Y nan ta consehero di Minister di Departamento Economico. E directive tin hopi tarea y metanan, y tambe defende e interes di comercio y industria na Aruba, segun Sra. Sonia Velthuizen, directora di Camara di Comercio.