Den un reunion cu a tuma luga entre Camara di Comercio y partidonan politiconan manera AVP y MEP a papia riba diferente puntonan cu kier haya atencion di nos gobierno y partido politiconan segun Sr. Ernst Mohamed, presidente di KVK ta splica.
Den e reunionnan aki a trece padilanti loke Camara di Comercio ta para pe y esey ta desaroyo economico na Aruba, un fair playing field. Pero e meta di Kamer ta people and government business together y ta pa e motibonan aki a reuni cu MEP y AVP , y e reunionnan aki a bay sumamente positivo. Camara di Comercio a trece asina tanto punto dilanti y tambe a discuti varios puntonan riba agenda cu mester a planea un di dos agenda.
Durante e reunion a papia di e situacion economico unda cu ta wak cu no por sostene e economia y comercio di Aruba ariba dos pilar. Tin diferente comision y cada un di e presidentenan di e comisionnan lo trece un tiki dilanti di loke a wordo papia cu e diferente fraccionnan.
Un cos cu a papia di dje tambe, ta e “red tape”, cu ta frustra hopi empresario, inversionistanan y tambe entrepeneurnan di Aruba. Esaki a wordo treci dilanti door di varios instancianan comercial. No solamente a reuni cu gobierno, pero tambe cu Banco Central y Economische Zaken, pa bin cu un solucion of sikiera un advies di con por atrae inversionistanan cu no tin cu pasa den tanto red tape. Esaki ta un tiki fastioso pa hendenan cu tin gana di inverti na Aruba, pero nos mes ta pusha nan pafo. Esey no ta contribui na economia di Aruba.
Tin tema manera purba di yuda nos hobennan cu ta cu ta un profesional ser yuda pa haya trabou y mes cos den e parti di financia. Hopi di e hobennan ta gradua y tin yen idea, pero nan no ta haya e support necesario. Kamer ta bezig ta organisa algo pa young entrepeneur e aña aki, na November y na Januari 2018 di biaha ta cuminsa cu un plan leuk pa comunidad hoben di entrepeneur. Por a ripara cu tin hopi entrepeneur ta cana rond, pero e respaldo ta loke nan no tin. Akinan e plan strategico di Kamer ta pa yuda e muchanan aki develop y crece den nan negoshi.
Locual ta financiamento, esaki tambe ta algo pa young entrepeneur. Segun Sr. Mohammed, Kamer ta bezig cu hopi cos y ta trahando ariba creditonan caminda entrepeneurnan hoben, por aplica si nan bin cu un bon businessplan, nan lo por haya sosten di Camara di Comercio.