Dia 17 di Augustus proximo, Camara di Comercio lo organisa nan di dos y ultimo debate pa loke ta trata eleccion 2017. Sr. Ernst Mohammed, presidente di Camara di Comercio ta amplia mas.
E di dos debate lo bay mustra Aruba un biaha mas, kico e plataforma politico tin di ofrece. Presente na Camara di Comercio, tabata t’ey Sr. Booshi Wever di partido PPA/UPP, Sr. Ursell Arends di partido RAIZ, Sra. Cristina Lampe di partido CURPA, Sr. Otmar Oduber di partido POR y Sr. Ricardo Croes di partido ReD Democratico. Sra. Evelyne Wever- Croes ni Sr. Mike Eman no tabata presente.
Ainda tin carchinan di entrada obtenibel na e CITGO stationnan. E sala di lo ta yen un biaha mas, e biaha aki nan a amplia e cantidad di asientonan pa participa. E debate lo cuminsa pa 7 or di anochi, den e ballroom di Marriott Resort.
Tur cos ta cla caba pa e anochi aki, pero ariba e tema di e preguntana ta bay over di cosnan cu ta andando actualmente, y presente lo bay tey lidernan cu tin nan plannan cla pa nos pais. Tin un grupo di votadonan, e asina yama Millenials, cu ta forma sigur un 20 mil votado cu ta forma parti di e grupo di Millenials aki.
E moderador lo ta den persona di Ruben Trappenberg, cu ta haciendo esaki pa hopi aña caba. Camara di Comercio a haya hopi bon comentario ariba e presentación di Sr. Trappenberg, cu lo por tene e debate aki interesante, segun Sr. Ernst Mohammed, presidente di Camara di Comercio.