E aña aki Camara di Comercio lo tene su debate politico den cuadro di eleccion 2017 segun e directora Sonja Velthuizen.
El a splica cu evento aki lo bay ta dia 8 di Juni y dia 17 di Augustus. Dicon dos debate.
Esaki ta pasobra cu Camara di Comercio ta haya importante cu pueblo di Aruba ta haya mas informacion posibel pa haci un bon choice y pa haya sa riba ken, riba ki partido politico nan por vota.
E debatenan lo wordo transmiti en bibo door di TeleAruba y lo tin un panel independiente cu ta bay evalua e preguntanan. Lo tin moderador cu ta bin evalua y haci e pregunta na e lidernan of representantenan di e partidonan politico y lider of representantenan di e partidonan politico, lo bay debati riba e topiconan relevante, manera turismo, educacion, asuntonan social, criminalidad, finansas publico y hopi mas.
Velthuizen no a duna mas informacion, pero den transcurso di e proximo simannan ta bay duna mas informacion riba e moderador, e prijs di e evento aki, ki partido politico ta bay invita y luga. Probecha y asisti na e debatenan y haya hopi informacion pa sa riba ken, riba ki partido politico bo por vota. Pa mas informacion por yama Camara di Comercio na 5821566, manda un email na [email protected]