Camara di Comercio, hunto cu Gobierno di Aruba, ta extende un invitacion pa un anochi di informacion tocante e ley di saconan di plastic cu Parlamento a aproba recientemente.
Presente e anochi aki lo ta Sr. Donny Rasmijn, miembro di Parlamento pa partido AVP y tambe Sr. Rasmijn ta e persona cu a bin cu e proposicion di ley aki. Tambe lo ta presente Sr. Omar Harms, Consehero di Prome Minister y tambe Sra. Juliet Carvalhal, Coordinadora Special Green Agenda pa Gobierno di Aruba.
E ley aki lo wordo ampliamente discuti y e publico presente lo tin oportunidad di haci nan pregunta of remarcanan, como tambe expresa nan preocupacionnan.