Ernst Mohamed, Presidente di Camara di Comercio, a amplia mas ariba e reunion entre Minister di Hustica, mr. Arthur Dowers y miembronan di Camara di Comercio.
E reunion aki tabata uno importante pa e comerciantenan, miembro di Camara di Comercio. Hopi informacion a wordo intercambia, pero ainda falta. Semper ta falta. Loke ta importante ta e comunicacion entre e diferente miembronan y Cuerpo Policial y varios idea a wordo intercambia. Por actua un poco mas ariba esaki.
Sr. Mohamed ta contento cu Cuerpo Policial a tene nan mes disponibel cu si tin cualkier miembro di comunidad cu mester di ayudo of conseho, nan lo bin duna esaki gratuitamente.
Locual cu ta di lamenta ta cu hopi Arubiano ta involucra locual cu ta atraconan. Esey ta di lamenta, tin hopi Arubiano cu ta yuda esunnan cu ta comete atraconan. Esey tambe ta un punto cu ta di lamenta. Y Camara, comerciante awendia ta victima hopi biaha di atraco. Nan a trece e punto aki dilanti, con e comerciante mester defende su mes. Y atrobe e comisario di polis a duna di su experiencia, cu si cualkier empresario mester di ayudo con pa defende nan propiedad, nan lo haci esaki di gratis.
Tin hopi mucha jong y cada aña e edadnan ta sigui baha. Ta spera cu parti di e programa cu Camara di Comercio, pa young entrepeneurs, cu lo traha ariba e edad ey pa nan cambia nan actitud di malo pa haci algo bon pa nan mes. Y si nan mester ayudo, Camara di Comercio tey pa cana full e caminda cu e hoben. Tin solucion pa e hubentud, y esey no kiermen criminalidad precisamente, segun Sr. Ernst Mohamed, Presidente di Camara di Comercio.