Durante un conferencia di prensa yama pa Camara di Comercio, presidente di e entidad, Ernst Mohamed, a splica mas di e lista di partidonan cu lo bay participa den e debate di dia 8 di Juni, 2017. Esta aki tres dia. E ta sigui splica cu a confirma cu e siguiente personanan di e partidonan MEP, cual ta Evelyn Wever-Croes, Mike Eman di AVP. Holmo Enriquez di MAS. Otmar Oduber lo bin como lider di partido POR. Benny Nisbet, lider di partido PPA, tambe lo tey presente. Ricardo Croes, lo tey pa RED Democratico y Candelario “Booshi” Wever, lo tey pa UPP.
Mohamed a splica cu ainda tin ticket disponibel y tin ticket cu si cumpra 10 of den block, lo hay’e pa 75 florin general y pa florin general. Studiante y esnan cu tin e carchi di OPPA, por haya e carchinan na 70 florin. Door di hopi pregunta, a dicidi di cambia e prijsnan pa studiante, pa nan tambe presencia, como nan tambe lo forma bon parti di e eleccion proximo, cual ta dia 22 di September. E debate lo ta dia 8 di Juni. Pa 7’or e porta ta habri y 7’or y mey e preguntanan lo cuminsa. For di eynan e debate lo ta den man di e lider politico cu e presentador, cual ta sr. Ruben Trappenberg. Pa cualkier informacion di ticket por acudi na Oruba Visions, na 5850054 of 5645685, of tambe via nan pagina di Facebook. Ainda tin ticket disponibel. Por bisa tambe cu e ticketnan ta hot. Tin hende ta bezig ta debatea riba e debate caba cual ta bon. Mohamed a splica cu nan a haya hopi pregunta con ta bay haci e debate aki, cual lo bay den forma profesional.
Pa ley no por bin cu propagandanan politico pasobra ta un debate. Si por apoya e lider. Si e lider ta duna su contesta, tin espacio pa apoy’e.
Camara di Comercio kier a laga sa cu e debate aki ta pa tur hende haya un bista kico tur e shete lidernan aki tin prepara pa e proximo 4 añanan. A base di e debate aki y esun na Augustus, por haci un miho decision, con pa vota na September. Ta spera cu tur hende bin y goza di un debate extraordinario.
PDR a bay hunta den un plataforma cu POR. Esey ta un di e retonan cu tabata tin ora cu a invita tur e lidernan. Pero nan a dicidi di bay den un solo plataforma y Otmar Oduber lo representa nan na e debate aki.
Unico forma cu a menciona sr. Alonso Tromp ta door cu tabata tin un polemica entre sr. Tromp y Andin Bikker, pero esey ta den corte. Pero ora cu a sinta cu nan na mesa, a dicidi di manda Otmar Oduber e ora.
ABO ta un di e partidonan cu a vocifera pa participa nan deseo pa participa den e debate, pero a scucha despues, ora cu pueblo a bisa cu nan kier wak tur 8 partido, wak kico tin mas cu e partido tradicional. Ora cu a invita tur partido hunto, a duna nan un deadline pa nan entrega nan rekisitonan. Tin cu bisa cu tur partido a cumpli y partido ABO no a cumpli ainda. A extende e deadline, esta dos siman mas. E secretariado a purba di tuma contacto den tur forma cu lider di ABO. Inicialmente el a splica cu a bisa cu lo bay den bestuur pa wak kico nan ta bay haci y nan no a contesta bek. A extende e deadline un biaha mas, pero door cu e ora ey tin cu cuminsa cu e logisticanan y prepara, a dicidi di sigui cu e shete partidonan cu si a cumpli cu tur rekisito pa participa den e debate aki.
Partido Curpa den prome instante ora a manda invitacion pa tur partido por a participa, nan tambe a haya invitacion. E prome deadline tabata dia 31 di Maart y nan no a cumpli. Mester a sigui cu e shete partidonan aki. Camara di Comercio ta un organisacion serio, y ora nan haci un esfuerso pa invita, sikiera avisa cu no por of no kier participa. Pero no por bin na ultimo minuut y purba forsa drenta aden, ciendo cu e otro partidonan si a haci esfuerso y prepara y cu nan kier participa, Ernst Mohamed a splica.