Camara acting Workshop Short Film ‘Cas di Crystal’

Anali Cabrera Foundation (AC Foundation) a cuminsa cu su Tayer Crea y Siña (TCS) pa 2019. Su prome Workshop (tayer) ta ¨Camara Acting ¨ caminda e alumno lo siña improvisacion pa stimula concentracion, expresion corporal y facial, y diferencia entre actuacion pa teatro y audiovisual. Kico ta ‘casting’, crea y interpreta un personahe cu punto di salida door di su genero, emocion, localidad ,tempo-spacio – expresa e diferente emocion den un forma liber, tur esaki a base di weganan divertido y dinamico y hopi mas. Final di workshop tur alumno lo participa di e Short film ‘Cas di Crystal’, un Novela basa den casonan di bida real.

TCS, Tayer crea y siña ta activo pa 8 aña caba cu diferente curso di formacion integral atrabes di actuacion , baile y liderazgo. E tayer aki semper tawata tin un impacto grandi den e cambio di perspectiva di e alumno (participante). Muchanan y hoben ta siña canalisa emocionnan negativo door di arte multidisciplinario.

E biaha aki TCS ta introduci su prome Workshop di ‘Camara acting’ combinacion di teoria y mas practica, cu e Directora Patty Cabrera, kende tin mas di 25 aña di experiencia den Actuacion ,Produccion, Direccion y Coreografia. Den Teatro y television, entre e obra di teatro cu a ser presenta na Cas di Cultura y den diferente Centro di Bario ta destaca ‘The Wizard of Oz’, ‘Roodkapje’, ‘Stop Bullying’ entre otro nan. Expresion di Curpa ta ser duna door Juff. Gloria Bryce, director y docente di teatro cu hopi aña di experiencia den Arte multidisciplinario. Camara ta ser dirigi door di ‘Chahmi Film Studio’.

E tayer di ‘Camara Acting’ ta tuma luga na e fundacion su local nobo den Antraco Plaza, riba L.G.Smith Boulevard # 126. Esaki tin un duracion di 12 siman y ta cuminsa diahuebs 21 di februari, pa 5:35 pm te cu 7:00 pm pa Hobennan di 11 te cu 18 aña y pa Muchanan di 6 pa 9 aña ta diahuebs di 4:30 pm te cu 5:30 pm.

Pa mas informacion por contact via email: [email protected]
Luga ta Antraco Plaza, L.G.Smith Boulevard # 126 of via Whatsapp 5649511

E ta importante pa tur esnan cu ta desea di inscribi den e disciplina di arte, tene na cuenta cu asistencia ta hopi importante, talento y disciplina mester ta uni cu otro, separa fo’i otro no tin e poder pa logra desaroya e maximo potencial di cada participante .

Tayer di Actuacion dilanti camara tur alumno lo siña:

*PROME LUNA: -Improvisacion, stimulando e concentracion
-Diferencia entre Actuacion pa Teatro y Audiovisual-Interpretacion
-Practica dilanti di Camara, expresion di curpa.
*SEGUNDA LUNA: -Con bo ta enfrenta un Casting, Proyeccion di stem, Kico ta un Casting?
– Con bo por haci un casting cu éxito.
– e fayonan mas grandi ora bo ta haci casting.
– Practica dilanti Camara.

*TERCER LUNA ; -Short Film;
Con pa lesa un Script (guion)
-Na ki momento mester dun’e mas of menos intensidad
-Continuacion den un film

-Final di curso presentacion pa Publico.
-Training – Short Film Hunto cu ‘Chahmi Film Studio’, cu tin hopi experiencia den e ramo aki.

‘Cas di Crystal’ ta nifica cu e cas ta nos curason di Crystal, door di dje bo por wak y admira, pero tambe bo mester cuid’e, pasobra e ta fragil y cu por kibr’e.
‘Cas di Crystal’ ta un novela basa den hechonan di bida real. Skribi y dirigi door di e directora sra. Patty Cabrera.
Pa mas informacion contact via e-mail: [email protected]
Luga na.Antraco Plaza, riba L.G.Smith Boulevard # 126, Oranjestad.

“Corda ora bo inscribi un hoben den disciplina di arte, bo ta apoy’e pa expande arte multidisciplinario. Esaki ta duna resultado den bida di un hoben pa E no bay den mal caminda y pa desaroya su creatividad cu e por uze pa resolve problema den bida cotidiano. Sembra e simia aki, pa nos tin un sociedad mas responsabel, mas sano y mas mucho mas creativo. Inscribi awe!

 

Comments

comments