Tabata un dia hopi emocionante ora cu nos Calypso King Infantil J-vyon Besselink (Jiv-Marriachi) a yega su scol, Colegio Sagrado Curason na Savaneta y a wordo ricibi pa su amiguitonan den un rij.
Durante su yegada triunfal n’e scol, el a sa di canta su cancion Aruba, Duna nos Amor, cu cual el a sa di gana e titulo di Rey di Calypso infantil diabierna ultimo, p’e muchanan.
Sigur un momento di orguyo, no solamente p’e alumnonan di Colegio Sagrado Curason, pero tambe p’e cabesante y e demas docentenan di e scol.
Un biaha mas palabra di felicitacio ta bay na J-vyon Besselenk cu su titulo mereci y nos ta “look forward” pa scucha su cancion durante e paradanan di mucha di carnaval cu lo tuma luga proximamente.