E calor sofocante ta brasando e parti west di Merca na momento cu fin di siman a yega. E condicionnan di secura ta birando pio y tambe e peligro di candela na gran parti di e area nortwest di Merca.
E temperaturanan den oranan di mainta na henter e area west ta menasa e record un biaha mas, subiendo na mas cu 32 grado y na mas di 37.7 grado te cu final di siman. E calor ta afecta mayoria parti di Idaho, Utah y desierto di zuidwest prome cu e presion halto bolbe pa e area west.
“E advertencianan, alerta y avisonan di calor excesivo ta sigui vigente den centro di California, zuidwest y parti di centro / nort di e Gran Cuenca,” e centro di prediccion di Clima. E alertanan ta cubri casi 25 miyon di persona.
Boise, Idaho, diamars a empata e racha di record mas largo cu nuebe dia di mas cu 37,7 grado, racha iguales estableci na 2003, 2006 y 2015. E maximo di diamars na Boise solo a alcansa 37,2 grado, poniendo fin na e racha, pero ta spera cu e pronostico ta mas di 37,7 atrobe e fin di siman aki.
Na henter Merca, e secura a casi dobel den tamaño desde e epoca aki di aña pasa. Rond di 25% di e pais tabata den condicionnan di secura na juli, 2020; desde e siman aki casi mita ta sufri cu e secura.