California, MERCA- E fenomeno ta wordo yama subsidencia (verzakking) y ta tuma luga ora cu sacamento di awa for di bou di tera ta provoca cu e tera ta zak. Y esaki ta loke ta pasando den e Valle Central di California.
Segun un informe di e Laboratiorio di Propulsion pa Reaccion (JPL na Ingles), e subsidencia di e Valle di San Joaquin, documenta pa e agencia espacial for di 2014 a yega na nivelnan preocupante.
“E subsidencia (verzakking) a afecta pa hopi tempo cierto regionnan di California, pero su nivelnan actual ta pone e infrastructura cu ta na servicio di miyones di persona, na peliger. E pompmento di awa for di bou di tera ta pone den riesgo e sistema cu ta provee e likido na e Valle di San Joaquin”, segun e informe.