E Faro di California na Hudishibana awor ta miembro oficial di E Sociedad di Faronan di Merca.
The United States Lighthouse Society (USLHS) ta un organisacion non profit cu e meta pa educa, informa y entretene esunnan interesa den Lighthousenan.
Pa e personanan cu durante nan vakantie of tripnan ta gusta bishita diferente lighthousenan a crea un programa di paspoort special pa faronan. E programa ta duna e oportunidad na entusiastanan pa yuda preserva e faronan pero tambe pa keda cu un recuerdo visual di nan bishita na e diferente lighthousenan.
Stichting Monumentenfonds Aruba na final di aña pasa a logra bira miembro y forma parti di e programa aki pa bishitantenan di California Lighthouse.
Aruba ta e di dos pais pafo di Merca cu a join e US Lighthouses Society.
Bishitantenan cu ta miembro di e programa por laga stempel nan paspoort cu e stempel di California Lighthouse. E bishitante lo ricibi un stempel a cambio di 1 dollar cual lo bay pa por haci mantencion na e faro.
Pa esunnan cu no kier mas informacion y kier bira miembro pa ricibi un paspoort por haci esaki na www.uslhs.org
Pa esunnan cu tin un paspoort, djis pidi e guia di Experitours na e Faro pa bo stempel!