E hardinnan na Hilton Aruba Caribbean Resort & Casino tabata e lugar perfecto pa e desvelo di e Calender di Parha di 2017, publica pa e Aruba Birdlife Conservation, y financia pa e resort, pa e di dos aña consecutivo.
Gerente General di e Resort Hans Georg Roehrbein tabata orguyoso di por colga e prome calender, directo di e liña di produccion, den su oficina.
Greg Peterson, e Presidente di Aruba Birdlife Conservation, ta raporta cu tin 236 especie di parha registra na Aruba cu solamente dos cu ta endemico na e isla, esta e Shoco y e Prikichi, y ambos ta hunga rolnan principal den e calender.
E calender lo ta obtenibel pa benta riba e isla na Huchada Bakery, Santa Cruz, y na Best Deal na Paradera, pa Awg 15.
E miembronan di e fundacion di Aruba Birdlife Conservation tambe a contribui portretnan na e calender, entre nan, nan miembro di mas hoben, esta Sven Oversteegen, di 12 aña.
E calender tambe ta inclui algun di Peterson su imagennan di mas famoso. El a caba di publica un buki di hardcover coffee-table cu e nomber di Bird Wildlife of Aruba, riba 7 di December, 2016, obtenibel na Amazon.com. E buki ta contene portretnan full page di mas di dos shen especia di parha, saca den e naturalisa di Aruba.